“INSONGA E'TIBOR VA SIFATLI TA'LIM” nomli tadbir tashkillashtirildi
Buxoro davlat universiteti Axborot texnologiyalari fakulteti Amaliy matematika va dasturlash texnologiyalari kafedrasi tomonidan 2023 yil 30 may kuni “INSONGA E'TIBOR VA SIFATLI TA'LIM” nomli tadbir tashkillashtirildi.
Ushbu tadbirda Axborot texnologiyalari fakultetidan xorijiy oliy ta’lim muassasalarida malaka oshirib kelgan professor-o’qituvchilar T.B.Boltayev, H.I.Eshankulov, T.R.Shafiyev, J.Jumayev, H.Sh.Rustamov, F.H.Xazratov, I.I.Bakayev, X.U.Xayatov, F.F. Kasimov, S.S.Babayevlar, xorijiy OTMlarni tugatgan magistrlar Farmonova Robiya Baxrom qizi, Mirzayev Tolibjon To'raqul o'g'li, Mustafoyev Shahzod Mamanazar o`g`li, Raxmatov Mirzo Muqimovich, Xorijiy tashkilotlarda onlayn ishlayotgan talabalar va o’qituvchilar, xalqaro olimpiadalarda ishtirok etgan talabalar, Davlat stipendianti sovrindorlari va fakultet talaba-yoshlari ishtirok etishdi.
Tadbirni Amaliy matematika va dasturlash texnologiyalari kafedrasi mudiri, fizika-matematika fanlari nomzodi, dotsent O.I.Jalolov olib bordilar va talabalarga Rossiya Federatsiyasining Ural federal universiteti, Ural davlat iqtisodiyot universiteti, Tyumen davlat universitetlarning o’quv jarayoni, ta’lim sifati va iqtidorli talabalarning olib borayotgan ishlari haqida so’z yuritdilar. Buxoro davlat universiteti o’quv ishlari bo’yicha prorektori R.G.Jumayev xorijiy davlatlardan o’rgangan tajribalarini va xorijiy talabalarning AT sohasidagi amalga oshirayotgan ishlari, ta’lim jarayonidagi yangiliklar haqida ma’lumot berib o’tdilar.
Axborot texnologiyalari fakulteti fizika-matematika fanlari nomzodi, dotsent T.B.Boltayev, fakultet dekani PhD, dotsent H.I.Eshankulov, kafedra dotsenti H.Sh.Rustamovlar so’zga chiqib, talabalarga AT sohasini rivojlantirish bo’yicha Resbuplikamizda va xorijiy mamlakatlarda amalga oshirilayotgan ishlar, bajarilayotgan ilmiy STARTAP loyihalar, ularning talabalar faoliyatidagi ahamiyatli tomonlari haqida fikr bildirib, talabalarning ilmiy sohadagi faoliyatlarini rivojlantirish uchun motivatsiya berdilar.
Tadbir davomida Xorijiy OTM larda magistratura mutaxassisligi bo’yicha ta’lim olgan talabalar Farmonova Robiya Baxrom qizi — Singapur milliy universiteti, Mirzayev Tolibjon To'raqul o'g'li, Mustafoyev Shahzod Mamanazar o`g`li, Raxmatov Mirzo Muqimovich — Moskva davlat universiteti bitiruvchi magistrantlari so’zga chiqib, xorijiy davlatlarda ta’lim olish tartiblari, ta’lim jarayonining borishi, ta’lim jarayonida erishgan yutuqlari haqida gapirib, fakultet talabalariga AT sohasiga qiziqish uyg’otishga musharraf bo’lishdi.
Fakultetning xorijiy tashkilotlarda onlayn ishlayotgan talabalaridan tashkil etilgan Outsourcing kompaniya rahbari, Amaliy matematika va dasturlash texnologiyalari kafedrasi katta o’qituvchisi A.A.Ergashev so’zga chiqib kompaniya faoliyati haqida so’z yuritdi. Ushbu Outsourcing kompaniya fakultet tarkibida tashkil etilganiga uch yil bo’lishiga qaramasdan, mutaxassislar soni 20 nafardan oshdi. Shu yillar mobaynida kompaniya tomonidan 100 ga yaqin loyihalar muvaffaqiyatli bajarilib topshirildi. Kompaniya asosan AQSH kompaniyalariga outsourcing xizmatlarini ko’rsatib kelmoqda. Bu kompaniya bir yil muqaddam IT park rezidentiga aylandi. Kompaniya mutaxassislarining barchasi Axborot texnologiyalari fakultetining iqtidorli talabalari va o’qituvchilari tarkibidan tashkil topgan. Ushbu kompaniyaga mutaxassis tayyorlash uchun kafedra huzurida BOOTCAMP laboratoriya markazi tashkil qilingan. Tadbirda Qozog’istonda bo’lib o’tgan "ICPC"(International Collegiate Programming Contest) algoritmik dasturlash bo’yicha xalqaro chempionat ishtirokchilari Oybek Akramov, Javohir Muxtorov, Mirjahon Qayimovlar sahnaga taklif etilib, yutuqlari yana bir marotaba olqishlandi.
Tadbir davomida ishlab chiqarish tashkilotlaridan Buxoro viloyat hokimligi huzuridagi “Axborot - kommunikatsiya texnologiyalarini rivojlantirish markazi” davlat unitar korxonasi direktori T.Mirzayev so’zga chiqib, bugungi kunda AT sohasidagi mutaxassislarga bo’lgan talab, ularni ish o’rinlari bilan band qilish holatlari, AT sohasida amalga oshirilayotgan loyihalar haqida fikr bildirib, talabalarni ushbu sohaga bo’lgan qiziqishlarini oshirish, mutaxassislikni mukammal egallashlariga omad tiladi.
Xalqaro olimpiadalarda ishtirok etgan talabalar va Davlat stipendianti sovrindorlari sahnada taklif etilib, ularning amalga oshirgan yutuqlari tadbir ishtirokchilariga namuna sifatida ko’rsatib o’tildi.
Tadbir qiziqarli bahs va munozaralar asosida tashkil etildi. Talabalar AT sohasi bo’yicha o’zlarini qiziqtirgan savollarni berishdi. Bu tadbir fakultet talabalarining kelajakdagi ilmiy-ijodiy faoliyatiga ijobiy ta’sir ko’rsatadi deb umid qilamiz!