Axborot tizimlari va texnologiyalari 3-kurs talabalarining 2 haftalik malakaviy amaliyotiga start berildi
29- may kuni “Axborot tizimlari va texnologiyalari” ta'lim yo'nalishi 3-bosqich 1-1ATT-20, 1-2ATT-20 guruh talabalarining malakaviy amaliyoti boshlandi. Shu munosabat bilan “Axborot tizimlari va raqamli texnologiyalar” kafedrasi mudiri T.R. Shafiyev, fakultet o'quv ishlari
bo'yicha dekan muovinlari A.A Avezov, K. H. Qobilov va amaliyot rahbari G.Y. Bo'ronovalar tomonidan talabalarni malakaviy amaliyot vazifalari bilan tanishtirish, malakaviy amaliyot davrida yuritilishi zarur bo'lgan rasmiy hujjatlar to'g'risida to'liq ma'lumot berish, talabalarni amaliyot rejasi, maqsad va vazifasi bilan tanishtirish, biriktirilgan amaliyot o'tash joyi, ta'lim muassasasini aniqlash, dastlabki ta'limiy vazifalarini olish bo'yicha seminar tashkil etildi.
Seminarni kafedra mudiri T.R. Shafiyev kirish so'zi bilan boshlab talabalarni amaliyotining asosiy vazifalari va maqsad bilan tanishtirdi. Bugungi zamonaviy axborot texnologiyalari keng qo'llanilayotgan sharoitda, yetishib chiqayotgan mutaxassislar chuqur bilimli, keng dunyoqarash va kasbiy tayyorgarligiga ega bo‘lgan, zamonaviy kompyuter texnologiyalaridan xabardor, o‘z bilimini doim yangilik bilan to‘ldira olish qobiliyatiga ega bo‘lgan, bozor munosabatlari sharoitida faoliyat ko‘rsata oladigan, raqobatbardosh kadrlar bo‘lishi kerak. Shu bilan birga ularda vatanga muhabbat, jamiyat taraqqiyoti yo‘lida sadoqat tuyg‘ulari ham mujassam bo‘lishi kerak.
Malakaviy amaliyot axborot tizimlari va texnologiyalari ta’lim yo‘nalishidagi bakalavrlarni tayyorlashning shunday bosqichidirki, bunda har bir talaba universitetda olgan nazariy bilim, ko‘nikma va malakalarni shakllantirish hamda, ularni ishlab chiqarish, kompyuter texnologiyalarida foydalanishda kasbiy qobiliyatlarini rivojlantirishga yordam beradi.